CRDB ya toa Msaada shule ya Sekondari Nangando

Benki ya CRDB tawi la Liwale  imetoa msaada wa meza 50 na viti 50  kwa Shule ya Sekondari Nangando ikiwa ni kuunga mkono jitihada  za maendeleo katika  elimu.

Meneja wa CRDB Kanda ya Kusini ndugu Denis Moloka amesema msaada huo ambao umetolewa na benki ya CRDB  tawi la Liwale  ikiwa kama wadau wa maendeleo  ni kurudisha kwa jamii  ili kuhakikisha maendeleo katika Sekta ya Elimu yanafikiwa na pia yataongeza chachu ya ufaulu kwa wanafunzi kwa wa Shule ya Sekondari Nangando.

Aidha Kaimu Mkurugenzi wa Halmashauri wa Wilaya ya Liwale ndugu Damas Mumwi ameishukuru benki ya CRDB kwa msaada huo ambao wameutoa na pia utaongeza hamasa na kupunguza changamoto ya meza na viti katika shule ya Sekondari Nangando na pia amewataka wanafunzi na walimu kuhakikisha wanavitunza ili viwasaidie katika kujifunzia.