MKUTANO WA HADHADARA WA WAZIRI WA VIWANDA NA BIASHARA MHE. DKT SELEMANI JAFO

Picha mbalimbali za mkutano wa hadhara uliofanyika katika viwanja vya Nanjinji  Kata ya Likongowele . Ambapo Mhe Waziri Selemani Jafo alikutana na wananchi kuwaeleza tathmini ya miradi ya maendeleo wilaya ya Liwale na kuwapongeza kwa kupokea miradi mingi ya afya na elimu.

Mhe. Dkt  Selemani Jafo  (mb) amefurahishwa sana kuona idadi ya vituo vya afya  zimeongezeka kufikia 05, hospitali kubwa ya wilaya na zahanati 36. Pia miradi hiyo imekamilika ndani ya muda mfupi, amempongeza  mkuu wa wilaya ya Liwale Mhe. Goodluck Mlinga kwa kusimamia vizuri miradi hyo.

Aidha mhe Waziri amewaasa wananchi kuishi kwa upendo na amani na kuacha vitendo vya unyanyasaji wa wanawake na Watoto.

Aidha mkuu wa wilaya ya liwale Mhe. Goodluck mlinga  amemshukuru Mhe Waziri kwa kufanya ziara wilaya ya liwale na pia anajivunia kusimamia miradi hiyo na kumuahidi  Mhe. Rais kuendelea kusimamia miradi hiyo  kwa ufanisi  kwa maslahi ya wananchi wa Liwale na Taifa kwa ujumla. Vivyo hivyo mbunge wa wilaya ya Liwale Mhe Zuberi Kuchauka  amemshukuru mhe Rais  kwa kutekeleza ipasavyo ilani ya chama cha mapinduzi mpaka sasa vijiji vyote vimewaka umeme, miradi ya elimu na afya imefikika kwa asilimia kubwa.