KIKAO CHA UFUNGUZI WA MSIMU WA UFUTA KWA MWAKA WA FEDHA 2023/2024

Kikao cha ufunguzi wa wa msimu wa  ufuta wilaya ya Liwale Msimu wa Mwaka 2023/2024

Mkuu wa wilaya ya Liwale Mhe. Goodlack Mlinga  leo 6/6/2023 amefungua kikao cha msimu wa ufuta pamoja na tathimini ya zao la korosho katika msimu uliopita hii ikiwa ni kuelekea kuanza kwa msimu mpya wa mazao hayo, kikao hicho kiliudhuriwa na kamati ya ulinzi na usalama wilaya, maafisa ugani , watendaji , vyama vya ushirika pamoja na wadau  mbalimbali.

 Kwa mujibu wa  ripoti ya mkoa wa Lindi  wilaya ya Liwale inatarajia kukusanya jumla ya kilo 9,00,000 za ufuta katika msimu huu  unao anza sasa huku vyama vya msingi  vitashiriki  katika zoezi la ukusanyaji na uuzaji wa ufuta  ghafi  kwa msimu huu 2023  vyama vikuu vya ushirika  vitahusika katika kuratibu  na kusimamia zoezi  la mauzo  ya ufuta katika minada vyama hivyo ni chama kikuu cha ushirika cha  RUNALI kinachojumuisha AMCOS 40 katika wilaya ya Liwale.

Kwa msimu huu wa 2023 ununuzi wa ufuta na korosho utatumia mfumo utakaotumika ni wa stakabadhi ghalani  hii ni kutokana na changamoto ambazo  zimekuwa zikijitokeza hasa upatikanaji wa takwimu  sahihi za mauzo ya  zao, kutokuwepo kwa bei shindani sokoni  pamoja na ukusanyaji hafifu wa wa tozo za Halmashauri  hivyo kwa msimu huu wa mwaka 2023 mazao yatakusanywa kwenye ghala ndogo za AMCOS na baadae kusafirishwa kwenda  ghala kuu kwajili ya minada.

Aidha mkuu wa wilaya mhe. Mlinga alivitaka vyama vya msingi kuhakikisha wanalipa madeni ya wakulima kwa wakati ili kuondokana na usumbufu unao jitokeza mara kwa mara na hivyo kusababisha sheria kuchukua mkondo wake kwa wale wote ambao watabainika  kufanya ubadhirifu , pia aliwataka maafisa ugani pamoja na watendaji kuhakikisha wanatimiza wajibu wao katika kazi ili kufanikisha zoezi hili  katika msimu huu wa 2023.

Pia amepiga marufuku kwa wale wote ambao watajiusisha na mtindo wa chomachoma  katika zao la ufuta kwani kufanya hivyo ni kumuhujumu mkulima na hivyo kuviagiza vyombo vya ulinzi na usalama vya wilaya kukaa chonjo dhidi ya watakao bainika kufanya hivyo, ameendelea kutoa wito  kwa maafisa ugani pamoja na watendaji kuhakikisha  matumizi ya mizani yanafuatwa na mizani zote zishakaguliwa hivyo atakae chezea mizani basi mkono wa sharia utamfuata.

 Kwa upande mwingine  vyombo vya ulinzi na usalama vimetoa rai kwa maafisa ugani ,watendaji, pamoja na vyama vya ushirika kuhakikisha wanatimiza majukumu yao kwa wakati na kufuata taratibu na kanuni ambazo wamekubaliana  hii itaondoa udanganyifu kufanya hivyo kutaondoa urasimu na hivyo mambo yatakwenda sawa kinyume na hapo basi vyombo hivi vitahusika ipasavyo ili kuhakikisha haki za  wakulima hazipotei wala kuliwa na watu wachache wenye nia hovu.

Aidha nao wadau  wa benki za kibiashara nao awakuwa nyuma  kwa kutoa elimu juu ya masuala ya kifedha na kuhakisha kuwa vyama ambavyo vina akaunti katika benki mbalimbali kuhakikisha wana uhisha taarifa za   akaunti zao ili iwe rahisi kwao kupata huduma  za kibenki ili kuondoa  usumbufu.

Nao wajumbe wametoa maoni yao kwa kuomba almashauri  kuhakisha wanatengeza barabara zilizopo vijijini ili kuhakikisha mazo yaafika ghalani bila tatizo hii itasaidia kuondoa usumbufu na itapunguza gharama pia wametaka kuhakikisha ushuru unakusanywa kwa uwakika kama ilivyopendekezwa kwenye ripoti ya mkoa.

.