"Wafugaji na Wakulima waondoke kwenye Hifadhi DC Mlinga"

Imewekwa:: July 10th, 2023

Mkuu wa Wilaya ya Liwale Mheshimiwa Goodlack Mlinga pamoja na Kamati ya Ulinzi na Usalama ya Wilaya wakitekeleza agizo lake la kuwaondoa Wakulima na Wafugaji eneo la Hifadhi ya wanyamapori Magingo Liwale (WMA.Wildlife Management Area) agizo hilo alilitoa katika Mikutano ya Vijiji  ambapo Kijiji cha Mirui alilitoa  tarehe 11/5/2023 na Kijiji cha Kimambi  12/5/2023.

Katika kuwaonda Wakulima na Wafugaji Mheshimiwa Mlinga ameshuhudia  makundi makubwa ya ngombe ndani ya hifadhi ya Magingo jambo linalo hatarisha kuhama kwa Wanyamapori na hata uoto wa asili kupotea na pia kuchangia kwa kiasi kikubwa cha uwaribifu wa mazingira ndani ya hifadhi .

Aidha Mkuu wa Wilaya amejionea baadhi ya wafugaji wakiwa wemeanzisha makazi na kujenga maboma na Mazizi ndani ya hifadhi  pia wameanzisha mashamba makubwa kwajili ya shughuli za kilimo na pia wamechimba kisima cha maji ndani ya hifadhi jambo linalo hashiria kuwa shughuli za kibinadamu ni nyingi ndani ya hifadhi.

Pia Mkuu wa Wilaya baada ya ukaguzi wa maboma ya wafugaji  ameshuhudia kuwepo na mitego pamoja na pembe ya mnyamapori aina ya  Seble (Antelope) ambapo hizo “amezitaja kuwa ni nyara za Serikali ambapo amebaini kuwa licha ya kuwa wafugaji ndani ya hifadhi pia wapo ambao wanajiusisha na shughuli za ujangili kwenye hifadhi”.

Mkuu wa Wilaya mheshimiwa Mlinga ametoa rai kwa wafugaji wote na wakulima kuondoka mara moja katika hifadhi ya Wanyamapori ya Magingo na kwenda kwenye maeneo ambayo yametengwa kwajili ya ufugaji na kilimo katika Wilaya ya Liwale  kwani wakiendelea kubaki katika hifadhi  sheria itachukua mkondo wake hivyo waondoke kwa hiyari yao.

Kwa upande wa Afisa Wanyamapori Wilaya ya Liwale ndugu Shigela Jilada  amesema ni” vema wananchi waliovamia kuondoka na kuyaacha maeneo hayo ili Serikali iweze kupata wawekezaji wawindaji wa kitalii pia amepongeza kwa baadhi ya wafugaji kuitikia wito wa Mkuu wa Wilaya wa kuhama katika maeneo hayo ya hifadhi”.

Nae Afisa  Maliasili na Uhifadhi Mazingira  Wilaya ya Liwale Damas Mumwi amezitaka jumuiya zote wapake rangi kuzunguka mipaka  eneo la jumuiya  ili kutenganisha  hifadhi na maeneo ya siyo hifadhi, pia kuweka mabango yanayo tambulisha hifadhi,  pia kuweka mawe ya mipaka kwenye kona zote za  hifadhi, pia awewataka  wananchi wa  maeneo hayo kutekeleza agizo la mkuu wa wilaya  kuondoka ndani ya hifadhi  kwa hiyari yao kabla Serikali ijatumia nguvu kuwaondoa.